Հայ-ռուսական ինտեգրացիան մեր տարածաշրջանում կարող է լինել անվտանգության գլխավոր երաշխիքը, այս մասին նշում են միջազգային փորձագետները՝ զգուշացնելով, որ պատերազմից հետո Հայաստանում փխրուն անվտանգությունը կարող է ամեն րոպե խախտվել: Մեր երկրի անվտանգության մարտահրավերներն այսօր քննարկվել են Երևանում կայացած գիտաժողովի ժամանակ:

Շարժման համահիմնադիրների խոսքով՝ իրենք կուսակցություն չեն, պարզապես նպատակ ունեն միավորել ազգային շահը արժևորող բոլոր բևեռներին: Ներկայացվել են շարժման ծրագրերը՝ երկրի երկարաժամկետ զարգացում, անվտանգության սպառնալիքների չեզոքացում, արտաքին քաղաքականության վերանայված ու թարմացված հայեցակարգ: Շարժման գաղափարի հեղինակը Արցախի հերոս Մենուա Հովհաննիսյանի մայրն է՝ Կարին Տոնոյանը: 5165-ը Արարատ լեռան բարձրությունն է:

Միացյալ նահանգների նախագահի ապրիլքսանչորսյան ուղերձը տարբեր ուղղություններով աշխատելու նոր հնարավորություններ է բացել՝ ճանաչումից մինչև անավարտ մնացած դատական գործընթացներ: Հայ վերլուծաբանների կարծիքով՝ Բայդենի քայլը յուրօրինակ ապտակ էր Թուրքիային՝ վերջին տարիներին այդ երկրի վարած քաղաքականության համար: Ըստ փորձագետների՝ Անկարան այժմ հնարավորություն չունի լուրջ պատժամիջոցներ կիրառելու Վաշինգտոնի դեմ և կարող է սահմանափակվել ընդամենը դատապարտող հայտարարություններով:

ԱԺ ընդդիմադիր և իշխանական խմբակցությունների պատգամավորները մեկնաբանել են հրաժարականից հետո վարչապետի պաշտոնում Փաշինյանի պաշտոնավարման հնարավորությունը: «Իմ քայլ»-ից վստահեցնում են,որ Փաշինյանը կարող է շարունակել պաշտոնավարումը որպես առաջին դեմք: ԱԺ միջանցքներում այսօր քննարկվում էր նաև խորհրդարանի լուծարման գործընթացը: Արման Աբովյանը վստահեցրել է,որ «Բարգավաճ Հայաստան»-ը վարչապետի թեկնածու չի առաջադրի: Այդպիսի հայտարարություն է արել նաև «Լուսավոր Հայաստան»-ը:

Հայաստանի ԱԳ նախարարի պաշտոնակատարն այսօր անդրադարձել է Ջո Բայդենի կողմից Հայոց Ցեղասպանության ճանաչմանն ու արձագանքել Հայաստանի հետ հարաբերություններ հաստատելու մասին Էրդողանի հայտարարությանը: «Կարևոր են ոչ թե խոսքերը, այլ գործերը»,- նշել է Արա Այվազյանը: Նա այսօր Երևանում բանակցություններ է վարել Լիտվայի ԱԳ նախարար Գաբրիելյուս Լանդսբերգիսի հետ: Քննարկվել է նաև գերիների հարցը: «Ադրբեջանը պետք է վերադարձնի բոլոր հայ ռազմագերիներին»,- հայտարարել է լիտվացի դիվանագետը՝ նշելով, որ դա նաև Եվրամիության դիրքորոշումն է: