Ինչպիսի՞ն պետք է լինի Հայաստանի դիրքորոշումը Երուսաղեմում չդադարող բախումների վերաբերյալ
Հայաստանի ԱԳՆ-ն խորապես մտահոգված է Երուսաղեմում շարունակվող բախումներով և կողմերին զսպվածության կոչ է անում: Հայաստանցի փորձագետներն էլ համոզմունք են հայտնում, որ արաբա-իսրայելական հակամարտությունը մեր երկրում պետք է արժանանա հատուկ ուշադրության՝ հաշվի առնելով հատկապես Երուսաղեմում հայերի պատկառելի ներկայությունը: Ուշագրավ մյուս հանգամանքն ըստ մասնագետների՝ Ադրբեջանի վերաբերմունքն է մի կողմից իր դաշնակից Իսրայելի,մյուս կողմից՝ մահմեդական պաղեստինցիների նկատմամբ:
Քվեաթերթիկի վրա գրիչով նշում այլևս չի կատարվելու
ԿԸՀ-ն ներկայացրել է հունիսի 20-ի արտահերթ ընտրության գրանցման ու անցկացման ժամանակացույցը: Նախընտրական քարոզչությունը կմեկնարկի հունիսի 7-ին, կավարտվի 18-ին: Քաղաքական ուժերն իրենց փաստաթղթերը պետք է ներկայացնեն ոչ ուշ, քան մայիսի 26-ը: Ինքնաբացարկ հնարավոր կլինի հայտնել մինչև հունիսի 10-ը: Ռեյտինգային ընտրակարգի վերացումից հետո տեղ գտած հիմնական փոփոխություններից մեկը վերաբերում է ընտրություն կատարելու ձևին. քվեաթերթիկի վրա գրիչով նշում այլևս չի կատարվելու:
Քոչարյանի պաշտպանը միջնորդել է կաշառքի գործի քննությունը սկսել ԱԺ ընտրություններից հետո
Կաշառքի գործով Ռոբերտ Քոչարյանի և Արմեն Գևորգյանի մասնակցությամբ դատական նիստը կրկին հետաձգվել է: Այս անգամ ևս նախկին փոխվարչապետը դատարան չի ներկայացել: Երկրորդ նախագահի պաշտպան Արամ Վարդևանյանն էլ միջնորդել է նիստերը հետաձգել մինչև արտահերթ խորհրդարանական ընտրությունների ավարտը: Դատարանը միջնորդությունը մերժել է:
ԱԺ-ն արձակվել է, բայց շարունակում է աշխատել. փոխում են ջեռուցման համակարգը
Հայաստանը պատրաստվում է արտահերթ ընտրությունների: ԱԺ-ն արձակվել է, բայց շարունակում է աշխատանքը: Խորհրդարանական ուժերի ներկայացուցիչները «Էպիկենտրոն»-ի հետ զրույցում անդրարադձել են այս ամիսների իրենց գործունեությանը, նաև տեղեկացրել, թե ինչպես են այն համատեղելու նախընտրական քարոզարշավի հետ: Պատգամավորների համոզմամբ՝ ընտրապայքարը թեժ է լինելու: Իսկ անցանկալի հետևանքներից խուսափելու համար ըստ նրանց՝ պետք է գործել օրինականության և հանդուրժողականության մթնոլորտում:
48 վայրկյանում խոցել էր թշնամու 3 տանկ. Կիչանում օծվել է Արմեն Բաղդասարյանին նվիրված խաչքարը
Մարտակերտի շրջանի Կիչան գյուղում տեղի է ունեցել 44-օրյա պատերազմում զոհված ազատամարտիկ Արմեն Բաղդասարյանի հիշատակին նվիրված խաչքարի օծման արարողությունը: 48 վայրկյանում «Կոռնետ»-ի 2 հրթիռով թշնամու 3 տանկ խոցած 21-ամյա Արմենն Արցախի նախագահի հրամանագրով հետմահու պարգևատրվել է «Մարտական խաչ» 1-ին աստիճանի շքանշանով: Միջոցառմանը ներկա են եղել Արցախի նախագահը, բարձրաստիճան զինվորականներ, Արմենի մարտական ընկերներն ու համագյուղացիներ:
Առողջություն և Գեղեցկություն 11.05.2021 // Բիոռեվիտալիզացիա
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv