Մարտակերտի շրջանի Կիչան գյուղում տեղի է ունեցել 44-օրյա պատերազմում զոհված ազատամարտիկ Արմեն Բաղդասարյանի հիշատակին նվիրված խաչքարի օծման արարողությունը: 48 վայրկյանում «Կոռնետ»-ի 2 հրթիռով թշնամու 3 տանկ խոցած 21-ամյա Արմենն Արցախի նախագահի հրամանագրով հետմահու պարգևատրվել է «Մարտական խաչ» 1-ին աստիճանի շքանշանով: Միջոցառմանը ներկա են եղել Արցախի նախագահը, բարձրաստիճան զինվորականներ, Արմենի մարտական ընկերներն ու համագյուղացիներ: