Ուժային եռամարտի աշխարհի կրկնակի ու Եվրոպայի չեմպիոն Յուրի Սաքունցը նոր ռեկորդ է սահմանել: Երկու ճկույթով կարողացել է ավտոբուսներ քաշել: Նպատակ ունի նվաճումների միջոցով Հայաստանը ճանաչելի դարձնել ամբողջ աշխարհին:
Արտակարգ իրավիճակների նախարարությունը տեղեկացնում է, որ Հանրապետությունում պահպանվում է հրդեհավտանգ իրադրությունը: Հրդեհների հավանական տարածման ֆոնին նախարարությունն անցել է երկհերթափոխ աշխատանքի: ԱԻՆ աշխատակիցները հսկում են Հայաստանի ամբողջ տարածքն ու օպերատիվորեն արձագանքում քաղաքացիների ահազանգերին:
ԱԺ-ն առաջին ընթերցմամբ ընդունել է Սևանա լճից լրացուցիչ ջրառ իրականացնելու նախագիծը: Գործադիրն առաջարկել է առաջին ընթերցումից հետո, 24 ժամվա ընթացքում կազմակերպել երկրորդ ընթերցում և որոշում կայացնել: Օրենքի նախագծով կառավարությունն առաջարկել է 2021 թվականին Սեւանա լճից ջրի բացթողնման տարեկան առավելագույն չափաքանակ սահմանել մինչեւ 245 մլն խորանարդ մետր: Օրենքի նախագիծն արժանացել է խորհրդարանական ընդդիմադիրների բուռն քննադատությանը: Ըստ նրանց՝ հավելյալ ջրառն անարդյունավետ կառավարման արդյունք է կամ արվում է հավելյալ շահույթ ստանալու նպատակով:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv