Հայ գերիների հարազատները երթ են արել՝ գերտերություններից պահանջելով ճնշում գործադրել Ադրբեջանի վրա
«Ազատություն հայ ռազմագերիներին» նախաձեռնությունը և գերիների ծնողներն այսօր երթ արել՝ նամակներ հանձնելով Ռուսաստանի,ԱՄՆ-ի,Ֆրանսիայի,Չինաստանի, Մեծ Բրիտանիայի և մի քանի այլ երկրների դեսպանատներին: Քաղաքացիները պահանջում են գործնական քայլեր ձեռնարկել,որպեսզի Բաքուն առանց նախապայմանների վերադարձնի ռազմագերիներին: Ակցիան մեկնարկել է ԱԺ-ի դիմացից: Նմանատիպ նախաձեռնություններ են իրականացվում նաև սփյուռքում:
«Փնտրում եմ էդպիսի մեղադրողի».գլխավոր դատախազը չի կարծում,որ տապալել է «Մարտի 1»-ի գործը
Գլխավոր դատախազն ԱԺ-ում անդրադարձել է վերջերս Սյունիքում տեղի ունեցած աղմկահարույց իրադարձություններին,իր հասցեին ուղղված մեղադրանքներին և «Մարտի 1»-ի գործին:«Դատարանները կողմնակալ են»,-հայտարարել է Արթուր Դավթյանն՝ անդրադառնալով Փաշինյանին հայհոյած քաղաքացիներին ազատ արձակելու որոշումներին: Գլխավոր դատախազը նշել է, որ եթե «Մարտի 1»-ի գործով իրենց դիմումը ՍԴ-ն չբավարարի,ապա վարույթում եղած մեղադրանքի մասով անելիքը կավարտվի:Դավթյանն անդրադարձել է նաև մեղադրանքներին,թե ինքն է տապալել «Մարտի 1»-ի գործը:
Թիվ 22 մանկապարտեզի հիմնանորոգման պատճառով 160 երեխա չի կարողանա հաճախել նախակրթարան
Արաբկիրի թիվ 22 մանկապարտեզի սաներն ու ծնողները լուրջ խնդրի առջև են կանգնել: Մանկապարտեզն առաջիկայում նորոգվելու է, և մայիսի 3-ից հետո երեխաները 18 ամիս հնարավորություն չեն ունենալու հաճախելու նախակրթարան: Ծնողներն այս լուրն իմացել են միայն ապրիլի 27-ին: Նրանք այսօր բողոքի ակցիա են արել՝պահանջելով 160 երեխաներին հնարավորինս շուտ ընդունել այլ մանկապարտեզներ:
«Մեկ կողմի հաշվին խաղաղություն չի լինում».Թաթոյանը հորդորում է «չթմրել» կեղծ խաղաղասիրության կոչերից
«Չպետք է թույլ տանք, որ մեզ թմրեցնեն կեղծ խաղաղասիրությամբ»,- խորհրդարանում ՄԻՊ տարեկան զեկույցը ներկայացնելիս հայտարարել է Արման Թաթոյանը:Օմբուդսմենը, որը հաճախ է լինում Սյունիքում, խոսել է երկրի հարավային սահմանին անվտանգության գոտի ստեղծելու անհրաժեշտության մասին: Մարդու իրավունքների հանձնաժողովի նիստում «Իմ քայլը» խմբակցության պատգամավորներն անդրադարձել են Թաթոյանի հետ ունեցած տարաձայնություններին:
Կարո՞ղ է արդյոք Փաշինյանը լինել վարչապետի պաշտոնակտար.քննարկում իրավաբանների մասնակցությամբ
Այս հարցն այսօր քննարկել են իրավագետներն ու սահմանադրագետները: Գևորգ Դանիելյանն անընդունելի է համարել փաստարկները,որ եթե Փաշինյանն իշխանության չլինի, կստեղծվի կառավարման վակուում: Իրավաբան Արթուր Հովհաննիսյանն ասել է, որ «վարչապետի պաշտոնակատար» ձևակերպում օրենսդրության մեջ չկա,Արամ Վարդևանյանի կարծիքով էլ՝Հայաստանը միակ երկիրն է, որտեղ վարչապետի հրաժարականը համարվում է տեխնիկական մանրուք:
Առողջություն և Գեղեցկություն 30.04.2021 // Վահանաձեւ գեղձի խնդիրներ
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv