Չնայած ժողովրդի ընդվզմանն ու սոցիալական խնդիրներին՝ կառավարության անդամները՝ թեկուզ և ժամանակավորի կարգավիճակում, շարունակում են խոսել մինչև այս արձանագրած դրական ցուցանիշների մասին: Մինչև նիստի օրակարգին անցնելն ու 2017 –ի պետբյուջեի կատարման տարեկան հաշվետվությունը հաստատելը՝ վարչապետի պաշտոնակատար Կարեն Կարապետյանը տվել է որոշ հանձնարարականներ:
Երեկ ուշ երեկոյան Հանրապետության Հրապարակում ավարտված հանրահավաքից հետո Իմ քայլը շարժման առաջնորդ Նիկոլ Փաշինյանը բացառիկ հարցազրույց է տվել Կենտրոն Հեռուստաընկերության Ուրվագիծ հաղորդման հեղինակ Պետրոս Ղազարյանին: Պատասխանելով Ղազարյանի հարցին, թե որն է Նիկոլ Փաշինյանի ծրագիրը՝ Փաշինյանն ասել է՝ կոնցեպտուալ ամենակարևոր հարցը ընտրության օրինականության հաստատումն է:
Առավոտից նոր թափով եւ ծավալներով շարունակվել են գործադուլները, դասադուլները։ Եւս մի քայլ ենք անում եւ ավարտին ենք հասցնում այս պատմությունը, հայտարարել էր ԱԺ պատգամավոր, Իմ քայլը նախաձեռնության առաջնորդ Նիկոլ Փաշինյանը։ Ոստիկանությունը հորդորել է երթի մասնակիցներին չփակել երթեւեկելի հատվածը, չխոչընդոտել տրանսպորտի ու շտապ օգնության աշխատանքը: Փաշինյանը նույնպես երթի մասնակիցներին հորդորել է չխախտել երթեւեկության կանոնները, չփակել պետհամարանիշները եւ այդ վարորդներին խնդրել չվարկաբեկել երթի մասնակիցներին: Իսկ ժամը 19-ին հավաքվելու են հանրահավաքի Հանրապետության հրապարակում:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv