Բարգավաճ Հայաստան կուսակցության նախագահ Գագիկ Ծառուկյանը ընդունել է Հայաստանում Մեծ Բրիտանիայի եւ Հյուսիսային Իռլանդիայի Միացյալ Թագավորության արտակարգ և լիազոր դեսպան Ջուդիթ Ֆարնուորթին: Գագիկ Ծառուկյանը շնորհավորել է դեսպանին Հայաստանի և Միացյալ Թագավորության միջև դիվանագիտական հարաբերությունների հաստատման 25-ամյակի կապակցությամբ և իր պատրաստակամությունը հայտնել՝ ջանք չխնայելու ոչ միայն ԲՀԿ-ի և Մեծ Բրիտանիայի իշխող՝ պահպանողական կուսակցության միջև գործակցության ամրապնդման, այլև հայ-բրիտանական կապերի խորացման համար:
ՏԻՄ ընտրությանն ընդառաջ Ծառուկյան խմբակցության պատգամավորները հանդիպել են Ախուրյան խոշորացված համայնքի բնակիչների հետ: ԲՀԿ առաջնորդ Գագիկ Ծառուկյանի հանձնարարությամբ մասնագետներն ու տնտեսագետները օրեր շարունակ այցելել են Շիրակի մարզի բազմաթիվ գյուղեր եւ քաղաքներ, առանձնացրել բնակիչներին հուզող առաջնային խնդիրները: Ախուրյանցիների հետ հանդիպման ժամանակ խմբակցության պատգամավորները հավաստիացրել են, որ ունեն բոլոր խնդիրների լուծման բանալին: ԲՀԿ-ն Ախուրյանում առաջադրել է Կարեն Սերգոյանի թեկնածությունը: Հրապարակում հավաքված ախուրյանցիներին տեսաուղերձով է դիմել ԲՀԿ առաջնորդ Գագիկ Ծառուկյանը:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
epikentron@kentron.tv
info@kentron.tv