Գագիկ Ծառուկյան բարեգործական հիմնադրամն Ամանորին շարունակել է տոնական անակնկալ մատուցել մարզերի հազարավոր երեխաներին: Ձմեռ պապերն ու Ձյունանուշներն այցելել են Հայաստանի երկրորդ քաղաք Գյումրի: Նրանք իսկական հեքիաթով են լցրել տնակներում բնակվող, Մուշ թաղամասի փոքրիկ բնակիչների եւ մյուս գյումրեցի երեխաների օրը:
Ընդամենը հաշված օրեր ու Ամանորը կթակի մեր դռներն ու իր հետևից նոր իղձեր ու երազանքներ կբերի: Տոնին անհամբերությամբ սպասող հայ մանուկներն այս տարի ևս հիշարժան ակնթարթների պակաս չեն զգացել: «Գագիկ Ծառուկյան» բարեգործական հիմնադրամն, ավանդույթի համաձայն, տոնական անակնկալների մի ամբողջ շարք է նախապատրաստել մեր երկրի 350 000-ից ավելի երեխայի համար: Դեկտեմբերի 26-ից մինչև հունվարի 5-ը հարյուրավոր Ձմեռ պապեր ու Ձյունանուշներ բազմաթիվ նվերների հետ նաև խինդ ու բերկրանք են սփռել մեր երկրի ամբողջ տարածքում:
ԲՀԿ նախագահ Գագիկ Ծառուկյանն աշխատանքային այցով մեկնել է Գյումրի: Վարդանանց հրապարակում համախմբված հազարավոր մարդիկ նրան ջերմ ընդունելության են արժանացրել: ԲՀԿ առաջնորդը նախ ծաղկեպսակ է դրել երկրաշարժի անմեղ զոհերի հիշատակը հավերժացնող հուշակոթողին, ապա ընդգծել՝ երկրաշարժ վերապրած գյումրեցին ուշադրության պակաս չպետք է զգա: Գագիկ Ծառուկյանը հայտարարել է, որ Ամանորին ընդառաջ 100 միլիոն դրամ է հատկացնելու Գյումրու տնակային ավանների բնակիչներին և սոցիալապես անապահով ընտանիքներին:
Ավանդույթի համաձայն, ամանորին ընդառաջ ԲՀԿ նախագահ Գագիկ Ծառուկյանը ֆինանսական աջակցություն է ցուցաբերել Աբովյանի մի քանի հարյուր սոցիալապես անապահով ընտանիքներին: Այս տարի Գագիկ Ծառուկյանի հանձնարարությամբ Աբովյանի քաղաքապետը դրամական աջակցություն է տրամադրել դրա կարիքն առավել շատ զգացող ընտանիքներին:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
epikentron@kentron.tv
info@kentron.tv