Հանրապետական մարզադաշտի հարևանությամբ գործող հնամաշ իրերի շուկայի աշխատողները կառավարության շենքի դիմաց բողոքի ակցիա են իրականացրել: Պահանջում են թույլատրել շարունակել առևտուրը, չհեռացնել իրենց մշտական տարածքից: Քաղաքապետարանը դեռ անցած տարի էր զգուշացրել քաղաքացիներին առևտուրը տեղափոխել «Հրազդան» մարզադաշտի կամ այսպես կոչված «Տեց»-ի հարակից տարածք:
Վերաքննիչ քրեական դատարանում ավարտվել է սահմանադրական կարգի ենթադրյալ տապալման գործով դատախազության միջնորդության քննարկումը: Դատարանը գնացել է խորհրդակցական սենյակ,որտեղից վերադառնալուց հետո որոշել է միջնորդությանը անդրադառնալ վերջնական դատական ակտով:Նախորդ նիստին մեղադրող կողմը միջնորդել էր դիմել ՍԴ և գործի վարույթը կասեցնել: Պաշտպանները պնդել են,որ նման հիմքեր չկան:
Կորած կամ գողացված զույգ համարանիշների կրկնօրինակը հնարավոր է լինելու ստանալ 12 հազար դրամ պետական տուրքի դիմաց: Կառավարությունն այսօրվա նիստում որոշել է գումար տրամադրել արցախիցներին օգնելու համար, նաև սահմանել է նախադպրոցական հաստատություններում մեկ սանի հաշվարկով ֆինասնավորման կարգը:
«Զանգեզուրի միջանցքի մասին Ադրբեջանի անհասկանալի հայտարարությունները որևէ կապ չունեն հունվարի 11-ի եռակողմ հայտարարության բովանդակության հետ»,- կառավարության նիստի մեկնակին հայտարարել է վարչապետի պաշտոնակատարը: Նիկոլ Փաշինյանի խոսքով՝ Բաքուն տարածքային նկրտումներ ունի իր հարևանների մեծամասնության նկատմամբ, և դա տարածաշրջանային կայունությունն ու խաղաղությունը կասկածի տակ դնող հիմնական գործոնն է: Փաշինյանը ՀԱՊԿ-ի և Մինսկի խմբի համանախագահների ուշադրությունը հրավիրել է հայ-ադրբեջանական սահմանին հատկապես վերջին երկու ամսում երկու զոհ ունենալու հանգամանքի վրա:
Պատգամավորական գործունեության հետ կապված ծախսերի ամսական գումարը կավելանա երկուհարյուր հազար դրամով: ԱԺ արտահերթ նիստում առաջին ընթերցմամբ ընդունվել է «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքի փոփոխությունը:Անհետաձգելի համարված այս նախագծի հեղինակները «Իմ քայլը» խմբակցության պատգամավորներ Վիկտոր Ենգիբարյանն ու Նիկոլայ Բաղդասարյանն են: «Սա հատկապես մեծ աջակցություն է այն պատգամավորների համար, ովքեր մարզերից են և պետք է հանդիպեն ընտրողների հետ»,-հայտարարել է Ենգիբարյանը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv