Լոռու մարզպետը չի ընդունում, որ ծեծել է Օձունի համայնքապետին
«Կապրենք, կտեսնենք»,- արդյոք Անահիտ Ավանեսյանը պատրա՞ստ է երաշխավորագիր ներկայացնել Արմեն Չարչյանի՝ խափանման միջոց կալանավորումը փոխելու համար: Էկոնոմիկայի նախարարի պաշտոնակատար Վահան Քերոբյանն էլ հայտարարել է, որ իրենց իշխանության չվերարտադրվելու պարագայում գործարարների ու տնտեսվարողների 90 տոկոսը կհեռանար երկրից: Լոռու մարզպետն էլ հերքել է լուրը,թե ծեծել է Օձունի համայնքապետին: Կառավարության կուլիսներից՝ Աիդա Կարապետյանի տեսանյութը:
Բնապահպանական խնդի՞ր,թե բյուրոկրատական քաշքշուկ.Sevan Startup Summit-ն այս տարի չի կայանա
Ըստ Շրջակա միջավայրի նախարարության՝ Նորաշենի արգելոցն էնդեմիկ համարվող հայկական որոր թռչնատեսակի բնադրավայրն է, և միջոցառման անցկացումն այդ տարածքում կարող է առաջացնել բնապահպանական խնդիրներ:Առաջարկվել են այլընտրանքային տարբերակներ,որոնք մերժվել են: Միջոցառման կազմակերպիչները հայտարարել են, որ արգելոց համարվող այդ տարածքում միջոցառումը շուրջ 1 տասնամյակ անցկացվել է առանց խոչընդոտների:
«Ոտքի՛,վարչապետն է գալիս».պողպատյա հեղափոխությունը մտել է կառավարություն
Գործադիրի նիստից առաջ վարչապետի պաշտոնակատարի արարողակարգի պատասխանատուն կառավարության անդամներին հրահանգել է Փաշինյանին դիմավորել հոտնկայս: Նախկինում,սակայն,այսպիսի երևույթ չի նկատվել: Շրջակա միջավայրի նախարարի պաշտոնակատարը տեղի ունեցածը բացատրել է այսպես.«Նախկինում գուցե թավշյա էր, դրա համար չի եղել, հիմա պողպատյա է»,-լրագրողներին ասել է Ռոմանոս Պետրոսյանը:
Երևանի 9-րդ ընտրատարածքի 62 տեղամասերից 7-ում վերահաշվարկ է արվել. էական փոփոխություն չկա
Որոշ տեղամասերում քվեաթերթիկների՝ երեկ մեկնարկած վերահաշվարկը շարունակվել է նաև այսօր: Վերահաշվարկ է արվել նաև Երևանի 9-րդ ընտրատարածքի 62 տեղամասերից 7-ում: Տարածքային ընտրական հանձնաժողովի նախագահն «Էպիկենտրոնին» ասել է,որ էական խախտումներ չեն արձանագրվել.մեկ-երկու դեպքում եղել է անվավեր քվեաթերթիկների խնդիր, որոշ տեխնիկական հարցեր էլ արձանագրվել են հանձնաժողովականների ոչ պրոֆեսիոնալ աշխատանքի հետևանքով:
Շիրակցի գերիների հարազատները կառավարության շենքի դիմաց նստացույց են անում
44-օրյա պատերազմից հետո Խծաբերդի հատվածից գերեվարված շիրակցի զինծառայողների հարազատները կառավարության շենքի դիմաց նստացույց են անում: Նրանք շարունակում են հանդիպումները բարձրաստիճան պաշտոնյաների հետ, սակայն արդյունք չկա: Հարազատները պահանջում են, որ Բաքվում դատվող իրենց զավակների իրավունքների պաշտպանությամբ զբաղվեն օտարերկրացի իրավապաշտպաները:
«Մուրճը հաղթեց համերաշխությանը».«Լուսավոր Հայաստանը» փոքր դադար է վերցնում
Ընտրություններից հետո առաջին անգամ մամուլի ասուլիս է հրավիրել խորհրդարան չանցած «Լուսավոր Հայաստանը»: Էդմոն Մարուքյանը նշել է, որ հիմա փոքր դադար են վերցնում,հետո շարունակելու են ծառայել Հայաստանի Հանրապետությանը: Մարուքյանը չի կարծում,որ 8-րդ գումարման խորհրդարանը կարճ կյանք է ունենալու: