Մաքրավանք վանական համալիրը վերակառուցվում է: Շուտով այնտեղ հնարավոր կլինի իրականացնել եկեղեցական արարողություններ: Ավելի քան մեկ դար խոնարհված վիճակում գտնված եկեղեցին նորոգվում է Գագիկ Ծառուկյանի ջանքերով: Պեղումների ընթացքում այստեղ բազմաթիվ հնամենի խաչքարեր են հայտնաբերվել: Շինարարության ավարտին խաչքարերը տեղադրվելու են կամարների տակ: 13-րդ դարում կառուցված վանական համալիրը քրիստոնյաների առաջ դռները կբացի նոր հմայքով՝ դառնալով նաև յուրատեսակ զբոսաշրջային կենտրոն:

Մաքրավանք վանական համալիրը վերակառուցվում է: Շուտով այնտեղ հնարավոր կլինի իրականացնել եկեղեցական արարողություններ: Ավելի քան մեկ դար խոնարհված վիճակում գտնված եկեղեցին նորոգվում է Գագիկ Ծառուկյանի ջանքերով: Պեղումների ընթացքում այստեղ բազմաթիվ հնամենի խաչքարեր են հայտնաբերվել: Շինարարության ավարտին խաչքարերը տեղադրվելու են կամարների տակ: 13-րդ դարում կառուցված վանական համալիրը քրիստոնյաների առաջ դռները կբացի նոր հմայքով՝ դառնալով նաև յուրատեսակ զբոսաշրջային կենտրոն:

« Հայաստանի պատմության մեջ առաջին անգամ ընտրությունները դարձել են ներքաղաքական ճգնաժամի հաղթահարման միջոց»,- կառավարության նիստում հայտարարել է Նիկոլ Փաշինյանը՝ շնորհավորելով «Հայաստան» և «Պատիվ ունեմ» դաշինքներին խորհրդարան անցնելու առթիվ: Վարչապետի պաշտոնակատարն ընդգծել է,որ մեր երկրում աշխատատեղերի աննախադեպ աճ է արձանագրվում: Թափուր հաստիքները համալրելու համար արտագնա աշխատանքի մեկնածներին «բերման ենթարկելու» կոչ արած Վահան Քերոբյանն էլ այսօր հանդես է եկել նոր,ոչ պակաս ուշագրավ հայտարարությամբ: Էկոնոմիկայի նախարարարի պաշտոնակատարն ասել է,որ Հայաստանում հովիվ են աշխատում օտարերկրացիները:

Կառավարության նիստի մեկնարկին վարչապետի պաշտոնակատարը խոսել է սահմանին տիրող դրության մասին: «Ադրբեջանի սադրիչ քայլերը և առավելապաշտական նկրտումները նորանոր սպառնալիքներ են ստեղծում տարածաշրջանի, Հայաստանի և Արցախի համար»,-հայտարարել է Նիկոլ Փաշինյանը: Նա վերահաստատել է Սոթք-Խոզնավար հատվածից հայկական և ադրբեջանական զորքերի դուրսբերման հայելային տարբերակի մասին իր առաջարկը: Փաշինյանն այսօր ևս հայտարարել է,որ Բաքուն նպատակ ունի խափանել նոյեմբերի 9-ի և հունվարի 11-ի եռակողմ հայտարարությունների իրագործումը:

Երեկ ուշ երեկոյան մայրաքաղաքի փողոցներն ու մարզերից Երևան մտնող և դուրս եկող ճանապարհները խցանված էին. ոստիկանությունն ուժեղացված ծառայություն էր իրականացնում:Ֆեյսբուքյան օգտատերերն ահազանգում էին,որ ժամերով խցանումների մեջ են մնացել: Սոցցանցերում տարածվում էին տարբեր վարկածներ՝ դիվերսիոն խմբի ներթափանցումից մինչև կալանավայրից փախած անձի փնտրտուքներ: Ոստիկանությունը պարզաբանել է, որ ստուգվել են ավտոմեքենաները,վարորդների սթափությունը, գործողությունները կրել են կանխարգելիչ բնույթ: