ԿԳՄՍ նախարարության մոտ բողոքի ակցիա են արել Պետական կամերային երաժշտական թատրոնի դերասանները: Նրանք դեմ են Պարոնյանի անվան երաժշտական կոմեդիայի թատրոնի հետ միավորվելուն: Թատերական գործիչները վրդովված են,որ որոշ պատգամավորներ հայտարարություններ են անում թատրոնի մասին՝ այնտեղ չայցելելով: ԿԳՄՍ նախարարի պաշտոնակատար Վահրամ Դումանյանի հետ հանդիպումը դերասաններն անարդյունավետ են համարել:
Պատերազմից հետո կառավարության մոտ պարբերաբար բողոքի ակցիաներ իրականցնող քաշաթաղցիներին գրեթե վերջնական լուծում է առաջարկվել՝ յուրաքանչյուր ընտանիքի տրամադրել 10 միլիոն դրամի հիփոթեքի սերտիֆիկատ,որը մարվելու է պետության կողմից 10 տարվա ընթացքում: Առաջարկվող լուծումը տեղահանված քաշաթաղցիներից շատերի սրտով չէ, բայց ստիպված համաձայնել են,քանի որ մտավախություն ունեն,որ դրանից էլ կարող են զրկվել:
--
Աժ նիստերի դահլիճի մուտքերի մոտ տեղադրվել են կամարաձև ռենտգեն սարքեր: Բոլոր պատգամավորները դահլիճ մուտք գործելիս այսուհետև ստիպված կլինեն անցնել դրանց միջով:Սա միակ փոփոխությունը չէ: Ըստ որոշ տեղեկությունների՝ խորհրդարանի տարածք ավտոմեքենայով կկարողանան մտնել միայն ԱԺ նախագահն ու տեղակալները:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv