Կառավարության ծրագրի նախորդ օրն ընդհատված քննարկումն այսօր վերսկսվել է դարձյալ լարված պայմաններում: Պատգամավորների միջև վեճ է սկսվել, խորհրդարանականները միմյանց ուղղությամբ շշեր են նետել, երբ իշխանական խմբակցությունից Հայկ Սարգսյանը սկսել է խոսել նախորդ իշխանության բացթողումների մասին: Հանդարտեցնելու նպատակով հայտարարվել է ընդմիջում, սակայն նիստը վերսկսվելուց րոպեներ անց՝ խորհրդարանականների նյարդերը նորից տեղի են տվել: