«Մոդեռնա» ընկերության տնօրենների խորհրդի նախագահ Նուբար Աֆեյանին Երևանի պետական բժշկական համալսարանը շնորհել է պատվավոր դոկտորի կոչում: Համալսարանի պրֆոեսորա-դասախոսական կազմի հետ զրույցում Աֆեյանը հստակ ժամկետներ չի նշել, թե երբ ամերիկյան «Մոդեռնա» պատվաստանյութը կլինի Հայաստանում.այդ հարցը կառավարության տիրույթում է: Այսուհանդերձ, հեղինակավոր գիտնականը հույս է հայտնել,որ ԱՄՆ-ը մոտ ապագայում որոշ քանակով պատվաստանյութ կտրամադրի Հայաստանին,աjդ թվում «Մոդեռնա»:
Արաբական Միացյալ Էմիրություններում հոկտեմբերի 1-ին կմեկնարկի «Դուբայ էքսպո 2020» համաշխարհային ցուցահանդեսը: Լայնամասշտաբ այս միջոցառմանը մասնակցելու է 192 երկիր,ինչը մինչ այժմ կազմակերպված էսքպոների մեջ ռեկորդային ցուցանիշ է: Հայաստանը ցուցահանդեսին ներկայանալու է նորովի և ժամանակակից մոտեցումներով:
«Իզմիրլյան» բժշկական կենտրոնի նախկին ղեկավար Արմեն Չարչյանն ազատ է արձակվել: Դատավոր Վահե Միսակյանը բավարարել է պաշտպանական կողմի միջնորդությունը խափանման միջոց կալանավորումը 15 մլն դրամ գրավով փոխարինելու վերաբերյալ: Կալանավայրից դուրս գալուց հետո պրոֆեսորը լրագրողներին ասել է,որ այս ընթացքում հասցրել է հանգստանալ,հետաքրքիր գրքեր կարդալ: Արմեն Չարչյանը պատրաստվում է վերցնել պատգամավորի մանդատը և աշխատել խորհրդարանում:
Մինչև 8-րդ գումարման խորհրդարանի առաջին նիստի մեկնարկը 7-րդ գումարման ԱԺ-ն շարունակում է գործել: Վերջին արտահերթ նիստում նույնիսկ նոր պատգամավոր է երդվել: Արա Մելիքջանյանը,սակայն,մանդատը ստանալուց անմիջապես հետո «Իմ քայլ»-ից դուրս գալու դիմում է գրել:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv