Տարվա յուրաքանյուր օր և ժամ Գագիկ Ծառուկյան բարեգործական հիմնադրամի ուշադրությունից երբևէ չի վրիպում քառօրյա պատերազմում զոհված զինծառայողների ընտանիքնները, որոնք ունեն սոցիալական բազմաթիվ խնդիրներ: Ֆինանսական սուղ պայմաններից մինչև կենցաղային ծայրահեղ ծանր վիճակ: Գագիկ Ծառուկյան բարեգործական հիմնադրամի տնօրեն Անահիտ Ծառուկյանն ընդունել է հերոսներից երկուսի հայրերին, որոնք դիմել են հիմնադրամի օգնությանը իրենց որդիների անկատար նպատակներն իրականություն դարձնելու համար:
Հուլիսի 14-ին Մուլտի Գրանդ հյուրանոցի կոնֆերանսների դահլիճում Բարգավաճ Հայաստան կուսակցության նախագահ Գագիկ Ծառուկյանի նախաձեռնությամբ տեղի է ունեցել Արդյունավետ կառավարում և առաջնորդություն, Սինգապուրի փորձը խորագրով կոնֆերանսը: Կոնֆերանսին մասնակցել են ԲՀԿ քաղաքական խորհրդի ներկայացուցիչներ, ԱԺ Ծառուկյան խմբակցության պատգամավորներ, կառավարության ներկայացուցիչներ, փորձագետներ, հասարակական քաղաքական գործիչներ՝ Հայաստանից: Սինգապուրից միջոցառմանը մասնակցել են պառլամենտի պատգամավորներ, գիտնականներ, իրավական-ֆինանսական հարցերի փորձագետներ: Նշելով, որ Սինգապուրյան ֆենոմենի հայր Լի Քուան Յուն սինգապուրյան հրաշքի սկզբունք էր հայտարարել վստահությունը՝ Գագիկ Ծառուկյանը հայտարարել է՝ Հայաստանի համար եւս Վստահության վերականգնումը այն առաջին քայլն է լինելու, որի վրա հենվելով կազմակերպվելու է մեր երկրի ճիշտ կառավարումն ու առաջընթացը:
Հուլիսի 13-ից 15-ը ԲՀԿ նախագահ Գագիկ Ծառուկյանի հրավերով Հայաստան են ժամանել Սինգապուրի քաղաքական գործիչներից, կուսակցությունների ղեկավարներից, խորհրդարանի պատգամավորներից, իրավական-տնտեսական-ֆինանսական ոլորտների հայտնի փորձագետներից և պրոֆեսորներից բաղկացած 16 հոգանոց պատվիրակությունը: Հայաստանում վերջին իրադարձություններից հետո հեղինակավոր գործիչները հետաքրքրություն են հայտնել Հայաստան այցելելու, քաղաքական դաշտում ԲՀԿ-ի հետ գործակցության եզրեր նախանշելու և սեփական փորձով կիսվելու համար: Նրանք այցելել են տարբեր բիզնես ենթակառուցվածքներ, ուսումնասիրել ներդրումային դաշտի առանձնահատկությունները: Սինգապուրից Հայաստան ժամանած պատվիրակությունը առանձնահատուկ շեշտել է Գագիկ Ծառուկյանը դերակատարությունը քաղաքական և տնտեսության զարգացման բնագավառներում:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
epikentron@kentron.tv
info@kentron.tv