Շիրակի մարզի մի շարք համայնքներում օրերս տեղացել է ուժեղ կարկուտ: Հողագործները մեծ կորուստներ են կրել. ամբողջովին վնասվել են ինչպես բանջարաբոստանային կուլտուրաները,այնպես էլ մրգատու այգիները: Այժմ հաշվարկվում են գյուղացիների կրած վնասները:

Հավանաբար արդեն այս ամիս Հայաստանը կսկսի արտադրել ռուսական «Սպուտնիկ V» պատվաստանյութը: Այս հնարավորության մասին խոսվում էր դեռ ամիսներ առաջ, հարցը քննարկվում էր պետական մակարդակով: Վերջերս Ռուսաստան էր գործուղվել Էկոնոմիկայի նախարարը: Վահան Քերոբյանը «Էպիկենտրոնին» ասել է, որ սկզբում կազմակերպվելու է Սպուտնիկ V-ի շշալցման գործընթացը, ավելի ուշ արտադրությունը: Չի բացառվում, որ Հայաստանում արադրված պատվաստանյութը նաև վաճառվի հարևան երկրներին:

Հովհաննես Հովհաննիսյանին ռեկտորի պաշտոնակատար նշանակելը ԵՊՀ-ում նոր հարցեր է առաջացրել: Կարծիքներ կան, որ իշխող ուժը ևս մեկ քայլ է անում համալսարանը քաղաքականացնելու ուղղությամբ: ԿԳՄՍ նախարար Վահրամ Դումանյանն, ընդհակառակը՝ պնդում է, որ Հովհաննիսյանը ապաքաղաքական պաշտոնյա է:

Ականապատ տարածքների քարտեզների հարցն ու գերիների վերադարձը բոլորովին տարբեր խնդիրներ են և պետք է լուծվեն տարբեր խողովակներով: Այս համոզմանն է Մարդու իրավունքների պաշտպանը: Ադրբեջանում պահվող հայ զինծառայողների խնդրով Արման Թաթոյանի գրասենյակը մշտական կապ է պահում ինչպես միջազգային կառույցների, այնպես էլ տարբեր երկրների խորհրդարանների հետ:

Այս գիշեր Հայաստան է վերադարձել Տոկիոյի 32-րդ ամառային Օլիմպիական խաղերի փոխչեմպիոն, հունահռոմեկան ոճի ըմբիշ Արթուր Ալեքսանյանը: Օդանավակայանում բարձր արդյունք գրանցած մարզիկին դիմավորել են Հայաստանի ազգային օլիմպիական կոմիտեի, Կրթության, գիտության, մշակույթի և սպորտի նախարարության,ինչպես նաև մարզաշխարհի ներկայացուցիչները: Ալեքսանյանը իր հետ Հայասատան է բերել արծաթե մեդալ, թեև ասում է՝ Տոկիո էր գնացել ոսկու հետևից: