Հետաքրքիր բացահայտում են արել հայ հնագետները: Էրեբունի արգելոցում դարերի շերտից դուրս են հանվել կավե ամաններ, որոնք բացառիկ են ոչ միայն նշանակությամբ, այլև՝ տեսքով: Գտածոներն ամբողջական են ու պատկանում են հետ-ուրարտական ժամանակաշրջանին:

Ազգային ժողովի մշտական հանձնաժողովների նախագահների ընտրության քննարկումն այսօր անցել է լարված պայմաններում: Պատգամավորները վիճելեն ու նիստն ընդհատվել է: Վիճակը լարվել է ԱԺ փոխնախագահ Իշխան Սաղաթելյանի ելույթից հետո։ Իրավիճակը վերահսկողությունից դուրս չգալու համար խորհրդարանի նախագահը անվտանգության աշխատակիցներին նիստերի դահիճ է հրավիրել:

Հայ-ադրբեջանական սահմանին ստեղծված վիճակը խաղաղ բանակցությունների միջոցով հանgուցալուծելու հնարավորություններն ու ՀԱՊԿ-ում Հայաստանի նախագահության առաջնահերթությունները քննարկվել են Փաշինյան-Զաս հանդիպման ժամանակ: Զրուցակիցներն անդրադարձել են ՀԱՊԿ պատասխանատվության գոտում անվտանգության ապահովմանն ուղղված քայլերին: Նիկոլ Փաշինյանը ներկայացրել է Հայաստանի սահմանի վիճակն ու ընդգծել ճգնաժամը խաղաղ ճանապարհով հանգուցալուծելու կարևորությունը: