Ամենայն Հայոց կաթողիկոսը ուղերձով դիմել է ժողովրդին: «Մեր պահվածքը երբեք չպետք է վտանգի առաջնագծում խրամատների մեջ իրենց սրբազան ծառայությունը քաջությամբ շարունակող զինվորների կյանքը: Թիկունքը այս իրավիճակում առավել քան երբևէ պետք է ամուր մնա»,-ասել է Գարեգին Երկրորդը: Կաթողիկոսը նաև կոչ է արել Հայաստանի և Արցախի իշխանություններին՝ անհապաղ հիմնավոր և սպառիչ բացատրություններ ներկայացնել ժողովրդին՝ կայացված որոշումների և երկրի ապագայի վրա դրանց ներազդեցության վերաբերյալ։