Բռնցքամարտի Հայաստանի պատանեկան հավաքականը ուսումնամարզական հավաք է սկսել Օլիմպավանում: Մեր ընտրանին Աշիկ Գրիգորյանի գլխավորությամբ նախապատրաստվում է Թբիլիսիում կայանալիք Եվրոպայի առաջնությանը: Հայաստանի հավաքականը մրցավայր կմեկնի 16 մարզիկով,նրանցից 3-ը՝ գեղեցիկ սեռի ներկայացուցիչ:
Հանրապետության դպրոցներում հնչել է վերջին զանգը: Իններորդցիները դպրոցն ավարտում են նոր բացահայտումների ակնկալիքով: Ուսուցիչները հուզվել են, շրջանավարտները բաժանվել են արդեն հարազատ դարձած տնից:
Գյուղացիները խոստովանում են՝ պատերազմից հետո ոչ տրամադրությունն է բարձր, ոչ բերքատվությունը: Թշնամին էլ որոշ հատվածներում մի քանի տասնյակ մետր հեռավորության վրա է դիրքավորված: Չնայած դրան՝ արցախցիները որոշել են պտուղը ծառին չթողնել:
Միասնական քննութունները կավարվեն հունիսի 25-ին, դրանց կհաջորդեն բանավոր քննությունները,իսկ ընդհանուր քննաշրջանի առաջին փուլը կամփոփվի հուլիս 8-ին: Երեկ դիմորդները միասնական քննություն են հանձնել մաթեմատիկա առարկայից, առջևում դեռ ռուսերենի, հայոց պատմության, քիմիայի և ֆիզկայի միասնական քննություններն են:
Արտահերթ ընտրությունների քարոզարշավի վերջին օրը «Բարգավաճ Հայաստան» կուսակցության նախագահ Գագիկ Ծառուկյանը եղել է Արմավիրի մարզում: ԲՀԿ վարչապետի թեկնածուն ջերմ ընդունելության է արժանացել Էջմիածնի, Արմավիրի և հարակից քաղաքներից ու գյուղերից ժամանած հազարավոր քաղաքացիների կողմից: Գագիկ Ծառուկյանը ներկայացրել է երկրի առջև ծառացած հիմնական խնդիրներն ու դրանց լուծմանն ուղղված ծրագրային դրույթները՝ անվտանգությունից մինչև սոցիալ-տնտեսական հարցեր:
Արտահերթ ընտրությունների քարոզարշավի վերջին օրը «Բարգավաճ Հայաստան» կուսակցության նախագահ Գագիկ Ծառուկյանը եղել է Արմավիրի մարզում: ԲՀԿ վարչապետի թեկնածուն ջերմ ընդունելության է արժանացել Էջմիածնի, Արմավիրի և հարակից քաղաքներից ու գյուղերից ժամանած հազարավոր քաղաքացիների կողմից: Գագիկ Ծառուկյանը ներկայացրել է երկրի առջև ծառացած հիմնական խնդիրներն ու դրանց լուծմանն ուղղված ծրագրային դրույթները՝ անվտանգությունից մինչև սոցիալ-տնտեսական հարցեր:
Ջերմուկի սահմանային գոտում ծառայություն են իրականացնում վերջին պատերազմի ժամանակ Քարվաճառում անձնվիրաբար կռված 2-րդ բանակային կորպուսի մարտիկները: Այս զորամիավորումը ոչ միայն չի պարտվել, այլև պատերազմից հետո լիարժեքորեն իրականացրել է բնակիչների անվտանգ տեղափոխումը: Տղաները հիմա էլ վստահորեն շարունակում են հսկել Հայաստանի սահմանային անվտանգությունը:
«Պատերազմում զոհված բոլոր տղաներն արծվի նման բարձրացել են ամպերից էլ վեր և հսկում են մեզ երկնքից»: Մարտի դաշտում տեսածն ու զգացածն այս մտքով է թղթին հանձնել 44-օրյա պատերազմի մասնակից, «Արծվազարդ երկինք» գրքի հեղինակ Դավիթ Ավանեսյանը: Գրքի շնորհանդեսը տեղի է ունեցել Ավետիք Իսահակյանի անվան կենտրոնական գրադարանում: Ստեղծագործությունը նվիրված է Արցախի համար նահատակված հայորդիներին: