Տոնական տրամադրություն Աբովյան քաղաքում: Բարեկարգելուց և կանաչապատելուց հետո Աբովյանում վերաբացվել է Տրդատ Մեծի այգին: Մոտ 8 ամիս տևած աշխատանքից հետո այգին նորովին է ներկայացել աբովյանցիներին: Աբովյանի քաղաքապետը վստահեցրել է, որ կանաչ տարածքների ընդլայնմանն ու բարեկարգմանն ուղված աշխատանքները շարունակական են լինելու:
Մայիսի 15-ին Ստամբուլում տեղի է ունեցել Սևծովյան տնտեսական համագործակցության խորհրդարանական վեհաժողովի 25-ամյակի հանդիսավոր նիստը, որի ժամանակ ընդունվել է վեհաժողովի 25-ամյակին նվիրված հռչակագիր: Թուրքիան հերթական անգամ փորձ է արել տնտեսական կառույցը տանել քաղաքականացման ճանապարհով: Վեհաժողովի աշխատանքի մասին այսօր մանրամասներ են ներկայացրել Հայաստանի խորհրդարանի պատվիրակության անդամները:
Ազատություն քաղբանտարկյալներին պահանջով բողոքի ակցիա է անցկացվել գլխավոր դատախազության և Վճռաբեկ դատարանի դիմաց: Ակցիայի մասնակիցները պահանջել են ազատ արձակել Արցախի հերոս Սամվել Բաբայանին, փոխել Սասնա ծռերի խափանման միջոցը և գլխավոր դատախազի հրաժարականը: Սամվել Բաբայանի խափանման միջոցը փոխելու վերաբերյալ նրանք Վճռաբեկ դատարան են ներկայացրել պատգամավորների ստորագրությամբ երաշխավորագիր:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv