Այսօր Հրանտ Դինքի սպանության տարելիցն է: Ուղիղ 14 տարի առաջ Ստամբուլի հայկական «Ակոս» թերթի խմբագրատան դիմաց սպանվեց Թուրքիայի երևելի մտավորականերից մեկը: Անվախ ելույթներով ու քաղաքական ամենախճճված խնդիրները մեկնաբանող համարձակ հոդվածներով աչքի ընկնող Դինքն այն քիչ մտավորականներից էր, որը բարձրաձայնում էր հայ և թուրք ժողովուրդների բարեկամության, Թուրքիայի ժողովրդավարացման մասին: Նրա սպանությունից 14 տարի անց Թուրքիան ավելի է կոշտացրել դիրքորոշումը Հայաստանի նկատմամբ: Դրա վկայությունն Անկարայի մասնակցությունն էր արցախյան 2-րդ պատերազմին: