Քննությունները՝ 2 փուլով, «Հայոց լեզու»-ն՝ պարտադիր. ԲՈՒՀ ընդունվելու կարգը հստակեցվել է
Ընդունելության քննություններն այս տարի կանցկացվեն երկու փուլով: Սկզբում դիմորդները հնարավորություն կունենան լրացնել ընդամենը մեկ հայտ: Դրանով չընդունվելուց հետո արդեն կդիմեն երկրորդ փուլի համար, որը նախատեսում է վեց մասնագիտության ընտրություն: Անկախ մասնագիտությունից՝ շրջանավարտները պարտադիր քննություն են տալու «Հայոց լեզու» առարկայից: Դիմումներն ընդունվելու են ապրիլի 15-ից:
Հայ և ադրբեջանցի վերլուծաբանները տեսակապով քննարկել են պատերազմից հետո ստեղծված իրավիճակը
Քաղաքագետ Ալեքսանդր Իսկանդարյանը հայտարարել է, որ ճանապարհների բացումն Ադրբեջանի համար ոչ թե տնտեսական, այլ քաղաքական նպատակ է հետապնդում: Նիդեռլանդներում բնակվող ադրբեջանցի կոնֆլիկտաբան Արիֆ Յունուսովն էլ ասել է, որ չնայած Ալիևի հայտարարություններին՝ Մինսկի խումբը շարունակում է պահպանել իր կարևոր դերակատարումը հակամարտության լուծման հարցում:
Պետական դավաճանության դեպք. ՀՀ քաղաքացին գաղտնի տեղեկություններ է փոխանցել Թուրքիային
ԱԱԾ-ն բացահայտել է պետական դավաճանության դեպք. Հայաստանի քաղաքացին գաղտնի տեղեկություններ է փոխանցել Թուրքիային: Պաշտոնյաների մասնակցությամբ գաղտնալսման աղմկահարույց քրեական գործերից մեկը կարճվել է, մյուսով նախաքննությունը շարունակվում է. hայտնում է քննչական կոմիտեն: ՀՔԾ-ն Գլխավոր դատախազությունից ստացել է հանցագործության մասին Օնիկ Գասպարյանի հաղորդումը, իսկ ՍԴ-ն Գևորգ Կոստանյանի դիմումի հիման վրա որոշել է վերսկսել գործի վարույթը: Քրեաիրավական լրահոսը՝ առաջարկվող տեսաշարում:
Ի՞նչ կապ ունի ՊԵԿ նախագահի հայրը Փաշինյանի մարզային այցելությունների հետ
Ինչպիսի՞ն է տնտեսական իրավիճակը Հայաստանում, առաջիկայում հնարավո՞ր է արդյոք երկնիշ աճ գրանցել: Տնտեսական բլոկի պատասխանատուներն ԱԺ-ում անդրադարձել են քաղաքացիներին հետաքրքրող մի շարք հարցերի՝ այդ թվում գնաճին: ՊԵԿ նախագահը լրագրողներին ասել է,որ «տնտեսությունը հստակ վերականգնվում է»: Իշխող խմբակցության պատգամավոր Բաբկեն Թունյանն էլ պատասխանել է հարցին,թե արդյոք իրականություն դարձե՞լ է խոստացված «տնտեսական բումը»:
Հադրութցի Ալեքսին հուղարկավորել են 2 անգամ 2 տարբեր վայրում.սարսափելի շփոթմունքի մանրամասները
«Եռաբլուր» զինվորական պանթեոնում ամեն շիրմաքար մի պատմություն է, սակայն Մարտիրոսյանների պատմությունն առանձնանում է մյուսներից: Հադրութցի Ալեքսին շփոթմունքի պատճառով հուղարկավորել են երկու անգամ՝ առաջինն Արցախի Վաղուհաս գյուղում մեկ այլ զինվորի փոխարեն, երկրորդը՝ «Եռաբլուր»-ում: Զոհվածի հայրը՝ Գրիմա Մարտիրոսյանը, նույնպես զինվորական է, 3 պատերազմների մասնակից: Զավակի կորստից հետո,սակայն,նա զորամաս վերադառնալ չի ցանկանում: Սահմռկեցուցիչ դիպվածի մանրամասները՝ Արթուր Հովհաննեսյանի տեսանյութում:
Խոշոր հրդեհ՝ «Սուրմալու»-ում.այրվել են խաղալիքների և տնտեսական ապրանքների տաղավարները
Խոշոր հրդեհ՝ «Սուրմալու» առևտրի կենտրոնում: Մոտ 2000 քառակուսի մետր տարածքում այրվել են խաղալիքների և տնտեսական ապրանքների տաղավարները՝ գույքով: Հայտարարվել է հրդեհի բարդության սկզբում թիվ 2,ապա թիվ 3 կանչ, տեղում աշխատել է 14 բրիգադ: 3.5 ժամում փրկարարներին հաջողվել է մեկուսացնել կրակը, առավոտյան 8-անց կեսին այն ամբողջությամբ մարվել է: Տուժածներ չկան:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv