Ծաղկաձորում անցկացվել է ՀՀ նախագահի մրցանակի համար անցկացվող "Լավագույն մարզական ընտանիք 2014"-ի եզրափակիչ փուլը, որին մասնակցել է մրցույթի նախորդ 2 փուլերը հաղթահարած 144 ընտանիք: 11 տարի անընդմեջ մրցույթը միմյանց շուրջ է համախմբում Հայաստանի ու Արցախի հազարավոր ընտանիքների՝ տարեցտարի ընդլայնելով մասնակիցների թիվը: Նախորդ տարվա 2041-ի փոխարեն այս տարի մրցույթին մասնակցել է 2067 ընտանիք: Եզրափակիչ փուլի մրցելույթներին հետևել են նախագահ Սերժ Սարգսյանը, ՀԱՕԿ նախագահ Գագիկ Ծառուկյանն ու բարձրաստիճան պաշտոնատար այլ անձինք:

Կոտայքի մարզի Մայակովսկի համայնքում հերթական նվիրատվությունը իսկական տոնի է վերածվել: ԲՀԿ առաջնորդ Գագիկ Ծառուկյանի հովանավորությամբ իր դռներն է  բացել առողջության առաջնային պահպանման կենտրոնը: Իրենց շնորհակալանքի խոսքը համայնքի բնակիչները դրսևորել են  Գագիկ Ծառուկյանին արժանացնելով Մայակովսկու պատվավոր քաղաքացու կոչման ու համայնքի ղեկավարի անվանական հուշամեդալի: