Ինչպե՞ս են սնվում ու ի՞նչ որակի համազգեստ են կրում զինվորներն արդեն գաղտնիք չէ: Բանակ - հասարակություն կապը ամրապնդելու նպատակով էլ պաշտպանության նախարարությունը կազմակերպել է սննդամթերքի և զինվորների իրերի տեսականու ցուցադրության: Նրանց պատրաստած սնունդն էլ համտեսելու հնարավորություն են ունեցել բոլորը:
Հայաստանում գործող ապահովագրական ընկերությունների վնասաբերությունն անցյալ տարի կազմել է 88.5 տոկոս: 2018 թվականի առաջին հինգ ամիսներին այն ավելի ցածր է: «Վնասաբերության անկումը պետության համար այնքան էլ լավ չէ»,- քաղաքացիների հետ հանդիպում-զրույցի ժամանակ ասել է առողջապահության նախարար Արսեն Թորոսյանը: Գումարները մնում են ապահովագրական ընկերություններին, այնինչ կարող էին ծախսվել առողջապահության համար: Վնասաբերությունը նվազեցնելու համար տարբերակներ են մշակվել:
Կառավարության որոշմամբ՝ դայակների աշխատավարձի փոխհատուցման ծրագրի իրականացման կարգի ընդունումից հետո, մի շարք երիտասարդ մայրիկներ շտապում են գրանցվել իրենց բնակության վայրի զբաղվածության տարածքային կենտրոններ: Ծրագիրը նախատեսված է իրականացնել 200 շահառուի համար: Աջակցությունը տրամադրվում է երեխայի մինչև 2 տարին լրանալը: Ի ՞նչ առաջնահերթությամբ պետք է ընտրվեն տվյալ անձինք և ինչ չափորոշիչներ են գործում դայակի ընտրության հարցում ի ՞նչ չափորոշիչներով են առաջնորդվում, Էպիկենտրոնի անդրադարձը:
Այնթապ գյուղի 11-րդ փողոցի բնակիչ, 14-ամյա Հայկ Հարությունյանը դեռ որոնվում է: Հունիսի 8-ին ժամը 17-ին նա դուրս է եկել տնից և չի վերադարձել: Հայկն աուտիզմ ունի և չի խոսում: Նրան գտնելու համար արդեն 8 օր է որոնողական աշխատանքներ են իրականացնում ոստիկանությունը և ԱԻՆ փրկարար ծառայության ստորաբաժանումները: Նրանց են միացել նաև կամավորները, որոնք խմբերի բաժանված, տարբեր ուղղություններով փնտրում են Հայկին:
Կենդանաբանական այգում տուբերկուլյոզը վերացված է: Վերջին օրերի աղմկահարույց դեպքի մանարամասները պարզելու համար մեր նկարահանող խումբը այցելել է այգի, զրուցել գլխավոր կենդանաբույժի հետ: Նա հավաստիացրել է, որ երեխաների առողջությանը վտանգ չի սպառնում, իսկ տուբերկուլյոզով հիվանդ կենդանիները կենթարկվել են էվթանազիայի: Արամ Արարատյանի անդրադարձը:
Վաղ առավոտից Էջմիածնում կրքերը լարված են եղել :Նախ ԱԱԾ-ն է հատուկ գործողություններ է իրականացրել, իսկ երեկոյան զուգահեռ անցկացվող հանրահավաքներ են ընթանում: ԱԱԾ- ն առավոտյան հատուկ գործողություններ է իրականացրել Մանվել Գրիգորյանի, Արթուր Ասատրյանի առանձնատներում, Էջմիածնի քաղաքապետարանում, Երկրապահ կամավորական միության Էջմիածնի տարածքային բաժանմունքում:Ավելի ուշ Արթուր Ասատրյանին բերման են ենթարկել: ԱԱԾ աշխատակիցների ուղեկցությամբ մեքենա է նստել նաև ԱԺ պատգամավոր Մանվել Գրիգորյանը: Էջմիածին քաղաքի կենտրոնական հրապարակից քիչ հեռու կայանած մեքենայում էլ ոստիկանները զենքեր են հայտնաբերել։