Ամուլսարի հանքի տարածքում այսօր ևս իրավիճակը լարված է եղել: Ըստ ակտիվիստների՝ «Լիդիան» ընկերության պահնորդական նոր ծառայության աշխատակիցները, որոնք երեկ տարածքը պահպանող ջերմուկցիներին խոստացել էին այսօր՝ մինչև ժամը 11-ը, հեռանալ տարածքից, խոստումը չեն կատարել: Նրանց և քաղաքացիների միջև բախումներ են սկսվել: Իրավիճակը փորձել են կարգավորել տեղում հավաքված մեծաթիվ ոստիկանները: