Կյանքին վտանգ սպառնացող բազմաթիվ ծանր մարմնական վնասվածքներ ու հարվածներ, ուղեղի ցնցում, ծակված թոք, կողոսկրի կոտրվածք, բազմաթիվ սալջարդեր: Վյաչեսլավ Հարությունովին տրված դատաբժշկի կեղծ եզրակացությունն է, որը չի համապատասխանում իրականությանը: Տեսանյութերում առկա փաստերն ու պաացույցները միանգամայն այլ բանի մասին են վկայում: Պարզ երևում է, որ դատաբժշկի տված եզրակացությունը չի համապատասխանում իրականությանը և կեղծ է, խայտառակություն, որի համար պետք է օրենքի ամբողջ խստությամբ պատասխանատվության ենթարկվեն և՛ դատաբժիշկը, և՛ քննիչը, և՛ այս շինծու պատմության հետևում կանգնած պատվիրատուները: Բացի այդ Վյաչեսլավ Հարությունովը երեկ ուշագրավ մանրամասներ է ներկայացրել դեպքի մասին և նշել է, որ ՀՔԾ-ում խախտվել են իր իրավունքները: