Առաջիկայում ոստիկանության զորքերը հնարավոր է ապառազմականցվեն և կոչվեն գվարդիա, - ոստիկության տարեկան գործունեության արդյունքները և առաջիկա ծրագրերը ներկայացնելիս հայտնել է Ոստիկանության շտաբի պետ Հովհաննես Քոչարյանը: Առաջարկությունների փաթեթը շուտով կներկայացվի Կառավարությանը: Իրականություն դառնալու դեպքում, ոստիկանության գվարդիան կզբաղվի ոչ թե արտաքին հարձակումներից երկիրը պաշտպանելու գործով, այլ ներքին իրավակարգի ապահովմամբ: Ոստիկանությունը վստահեցրել է, որ ցույց ցրելու համար զորք չի ներգրավվելու: